L2:如来常无常品第五/梵实
如来常无常品第五
atha khalu mahāmatir bodhisattvo mahāsattvaḥ punar api bhagavantam etad avocat | kiṃ bhagavaṃs tathāgato ’rhan samyaksaṃbuddho nitya utāho ’nityaḥ | bhagavān āha | na mahāmate tathāgato nityo nānityaḥ | tat kasyaḥ hetor yadutobhayadoṣaprasaṅgāt | ubhayathā hi mahāmate doṣaprasaṅgaḥ syāt | nitye sati kāraṇaprasaṅgaḥ syāt | nityāni hi mahāmate sarvatīrthakarāṇāṃ kāraṇāny akṛtakāni ca | ato na nityas tathāgato ’kṛtakanityatvāt | anitye sati kṛtakaprasaṅgaḥ syāt | skandhalakṣyalakṣaṇābhāvāt skandhavināśād ucchedaḥ syān na cocchedo bhavati tathāgataḥ | sarvaṃ hi mahāmate kṛtakam anityaṃ ghaṭapaṭatṛṇakāṣṭheṣṭakādisarvānityatvaprasaṅgāt[1] sarvajñajñānasaṃbhāravaiyarthyaṃ bhavet kṛtakatvāt | sarvaṃ hi kṛtakaṃ tathāgataḥ syād viśeṣahetv abhāvāt | ata etasmāt kāraṇān mahāmate na nityo nānityas tathāgataḥ ||
【实译】尔时大慧菩萨摩诃萨复白佛言：“世尊，如来、应、正等觉为常为无常？”佛言：“大慧！如来、应、正等觉非常非无常。何以故？俱有过故。云何有过？大慧！若如来常者，有能作过，一切外道说能作常。若无常者，有所作过，同于诸蕴，为相所相，毕竟断灭而成无有，然佛如来实非断灭。大慧！一切所作如瓶、衣等，皆是无常，是则如来有无常过，所修福智悉空无益。又诸作法应是如来，无异因故。是故，如来非常非无常。
punar api mahāmate na nityas tathāgataḥ kasmād ākāśasaṃbhāravaiyarthyaprasaṅgāt | tadyathā mahāmate ākāśaṃ na nityaṃ nānityaṃ nityānityavyudāsād ekatvānyatvobhayatvānubhayatvanityānityatvadoṣair avacanīyaḥ ||
【实译】“复次，大慧！如来非常。若是常者，应如虚空，不待因成。大慧！譬如虚空非常非无常，何以故？离常无常、若一若异、俱不俱等诸过失故。
punar aparaṃ mahāmate śaśahayakharoṣṭramaṇḍūkasarpamakṣikāmīnaviṣāṇatulyaḥ syād anutpādanityatvāt | ato ’nutpādanityatvaprasaṅgān na nityas tathāgataḥ ||
【实译】“复次，大慧！如来非常。若是常者，则是不生，同于兔、马、鱼、蛇等角。
punar aparaṃ mahāmate asty asau paryāyo yena nityas tathāgataḥ | tat kasya hetor yadutābhisamayādhigamajñānanityatvān nityas tathāgataḥ | abhisamayādhigamajñānaṃ hi mahāmate nityaṃ tathāgatānām arhatāṃ samyaksaṃbuddhānām | utpādād vā tathāgatānām anutpādād vā sthitaivaiṣā dharmatā dharmaniyāmatā dharmasthititā sarvaśrāvakapratyekabuddhatīrthakarābhisamayeṣu na tu gagane dharmasthitir bhavati | na ca bālapṛthagjanā avabudhyante | adhigamajñānaṃ ca mahāmate tathāgatānāṃ prajñājñānaprabhāvitaṃ na mahāmate tathāgatā arhantaḥ samyaksaṃbuddhāś cittamanomanovijñānaskandhadhātvāyatanāvidyāvāsanāprabhāvitāḥ | sarvaṃ hi mahāmate tribhavam abhūtavikalpaprabhavaṃ na ca tathāgatā abhūtavikalpaprabhavāḥ | dvaye hi sati mahāmate nityatā cānityatā ca bhavati | nādvayāt | dvayaṃ hi mahāmate viviktam advayānutpādalakṣaṇāt sarvadharmāṇām | ata etasmāt kāraṇān mahāmate tathāgatā arhantaḥ samyaksaṃbuddhā na nityā nānityāḥ | yāvan mahāmate vāgvikalpaḥ pravartate tāvan nityānityadoṣaḥ prasajyate | vikalpabuddhikṣayān mahāmate nityānityagrāho nivāryate bālānāṃ na tu viviktadṛṣṭibuddhikṣayāt ||
【实译】“复次，大慧！以别义故，亦得言常。何以故？谓以现智证常法故。证智是常，如来亦常。大慧！诸佛如来所证法性、法住、法位，如来出世若不出世，常住不易，在于一切二乘、外道所得法中，非是空无，然非凡愚之所能知。大慧！夫如来者，以清净慧内证法性而得其名，非以心、意、意识、蕴、界、处法妄习得名。一切三界皆从虚妄分别而生，如来不从妄分别生。大慧！若有于二，有常无常。如来无二，证一切法无生相故。是故，非常，亦非无常。大慧！乃至少有言说分别生，即有常无常过。是故，应除二分别觉，勿令少在。”
tatredam ucyate |
【实译】尔时世尊重说颂言：
nityānityavinirmuktān nityānityaprabhāvitān |
ye paśyanti sadā buddhān na te dṛṣṭivaśaṃ gatāḥ || 1 ||
【实译】远离常无常，而现常无常，
如是恒观佛，不生于恶见。
samudāgamavaiyarthyaṃ nityānitye prasajyate |
vikalpabuddhivaikalyān nityānityaṃ nivāryate || 2 ||
【实译】若常无常者，所集皆无益，
为除分别觉，不说常无常。
yāvat pratijñā kriyate tāvat sarvaṃ sasaṃkaram |
svacittamātraṃ saṃpaśyan na vivādaṃ samārabhet || 3 ||
【实译】乃至有所立，一切皆错乱，
若见唯自心，是则无违诤。
iti laṅkāvatāre[2] tathāgatanityānityatvaprasaṅgaparivartaḥ pañcamaḥ ||